كشفت الفنانة ألفت عمر عن آخر تطورات واقعة السرقة التي تعرضت لها خلال تواجدها في العاصمة الفرنسية باريس، بعدما فقدت حقيبتها التي كانت تحتوي على أوراق شخصية وأموال ومجوهرات.
وقالت ألفت في تصريحات خاصة لـ اليوم السابع:
“اتعرضت للسرقة في شارع الشانزليزيه، فقدت محفظتي الصغيرة اللي كان فيها أموالي وكروت الائتمان وخاتم ألماس وأنسيال دهب. كنت مجمعة الحاجات دي في كيس صغير جوه المحفظة، وأثناء ما كنت بدفع حاجة، بنتين استغلوا الموقف ونشلوني. واحدة عملت نفسها محتاجة مساعدة وفي اللحظة دي التانية سرقتني”.
وأضافت:
“عاوزة أشكر سعادة سفير مصر في باريس علاء يوسف، اللي تواصل معايا وساعدني في عمل المحضر، وكمان بشكر دكتور أشرف زكي نقيب الممثلين على وقوفه جنبي وتقديمه كل الدعم اللازم. هما اللي ساعدوني أعرف الإجراءات المطلوبة علشان أغير تذكرة الطيران وأقدر أرجع مصر”.
وكانت الفنانة قد أعلنت عن تعرضها للسرقة عبر حسابها على فيسبوك، حيث كتبت:
“حد يساعدني محتاجة حد يكلم مصر للطيران يغيرلي الرجوع. عايزة أنزل مصر بكرة. أنا اتسرقت في باريس الزفتة دي أول يوم ليا هنا وماعرفش حد. كل فلوسي وكروت البنك وخاتم الألماس اتسرقوا.. بلد مليانة حرامية ومش دخلاها تاني”.